رووداو دیجیتاڵ
یانەی یوڤێنتوس دەستەوارەیەکی بایرن میونشنی بۆ دەستبەرداربوونی لە هێرشبەرێکی یانەکەی رەتکردەوە.
رۆژنامەی توتۆ سپۆرتی ئیتاڵی دەڵێت "یانەی یوڤێنتوس دەستەوارەیەکی فەرمیی یانەی بایرن میونشنی بەرامبەر 50 ملیۆن یۆرۆ بۆ دەستبەرداربوون لە دوشان ڤلاهۆڤیچ، هێرشبەری سێربیی یانەکەی رەتکردەوە و چاوەڕێی دەستەوارەیەکی باشتر دەکات بۆ ئەو یاریزانە."
ڤلاهۆڤیچ لەگەڵ یوڤێنتوس ئاستێکی بەرزی پێشکێشکردووە، هاوینی رابردوو لە فیۆرێنتیناوە بەرامبەر 80 ملیۆن یۆرۆ چووە یانەکە و گرێبەستەکەی تاوەکو هاوینی 2026 بەردەوامدەبێت، بەڵام زەحمەتە یاریزانەکە لەگەڵ یانەکە بەردەوام بێت.
سەرەڕای ئەوەی لەم وەرزەدا 14 گۆڵی لە 42 یارییدا تۆمارکردووە، ڤلاهۆڤیچ داهاتووی لەگەڵ یوڤێنتوس روون نییە.
یانەی یوڤێنتوس بەهۆی سزادانەوە نەیتوانی بگاتە چامپیۆنزلیگ، یاریزانەکە چاوی لەوەیە لە خولی یانە پاڵەوانەکانی ئەوروپا یاریی بکات، جگە لە بایرن میونشن، هەریەکە لە چێڵسی و مانچێستەر یونایتد رکابەری لەسەر گواستنەوەی یاریزانەکە دەکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ