وێستهام گرێبەستی لەگەڵ بەرگریکارێکی وۆڵڤس واژۆ کرد

 

جولیان لۆپیتیگی، را‌هێنەری هامەرس سووربوو لەسەر گرێبەستکردن لەگەڵ بەرگریکارە ئینگلیزییەکە.

 

ماکسی 27 ساڵان، گوتی ''هەستێکی زۆر تایبەتم هەیە کە ئێستا یەکێکم لە یاریزانەکانی وێستهام، هەر کە زانیم کە یانەکە دەیەوێت گرێبەستم لەگەڵ بکات، بە پەرۆشەوە هەوڵمدا بە زووترین کات گرێبەستەکە واژۆ بکرێت''.

 

لە درێژەی قسەکانیدا، ماکس ئاماژەی بە کارکردن کرد لەگەڵ جولیان و گوتی ''من بەڕاستی زۆر چێژم بینی لە کارکردن لەگەڵ لۆپیتیگی، ئەوکاتەی کە راهێنەری وۆلڤس بوو، ئەو یەکێکە لەو راهێنەرانەی کە زۆرترین شتی لێوە فێربووم، باوەڕم وایە کە دەتوانم زیاتر فێربم لەژێر سەرپەرشتی ئەودا''.

 

کیلمان لە ئایاری 2019 پەیوەندی بە وۆلڤسەوە کرد و لەوکاتەوە بەشداری لە 151 یاری کردووە و 3 گۆڵیشی تۆمارکردووە.