وێنەی ئەو کەسەی گوایە رۆژنامەڤانە ئەمریکییەکەیە
رووداو دیجیتاڵ
دوای ماوەیەکی زۆر لە بێسەروشوێنبوونی، باس لە دۆزینەوەی رۆژنامەڤانێکی ئەمریکی دەکرێت لە یەکێک لە زیندانەکانی دیمەشق.
ئۆستن تایس، رۆژنامەڤانێکی ئەمریکییە، 12 ساڵ پێش ئێستا بۆ کاری رۆژنامەڤانی چووەتە سووریا و دیارنەماوە. دوای رووخانی رژێمی ئەسەد، چەند کەسێک ڤیدیۆیەکیان بڵاوکردووەتەوە و دەڵێن، رۆژنامەڤانێکی ئەمریکییان دۆزیوەتەوە.
هێشتا نازانرێت ئەو رۆژنامەڤانە هەمان ئەو کەسەیە کە لە سووریا ونبووە یاخود نا، ئەو کەسانەیشی ڤیدیۆکەیان بڵاوکردووەتەوە و دەڵێن، نازانن ناوی چییە.
بەگوێرەی ڤیدیۆکە، چەند کەسێک رۆژنامەڤانەکەیان بردووەتە نەخۆشخانە و چارەسەری پزیشکییان بۆ کردووە و "ئێستا تەندروستیی زۆر باشە".
کەسێک لە ڤیدیۆکەدا قسە دەکات و دەڵێت، ئەم رۆژنامەڤانە لەلایەن رژێمی ئەسەد و لە یەکێک لە زیندانەکان بووە، ئێستاش چاوەڕوانی لایەنە پەیوەندیدارەکان دەکەن رادەستی کەسوکارەکەی بکەنەوە.
لە ڤیدیۆکەدا کەسێک کە گوایە رۆژنامەڤانەکەیە، پاڵکەوتووە و هیچ قسەیەک ناکات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ