رووداو دیجیتاڵ
بەڕێوەبەری مانگی سووری پارێزگای سمنانی ئێران رایگەیاند، دوای 18 کاژێر لە کەوتنەوەی، ئاگرەکەی ناوچەی پیشەسازیی فەجر لە گەرمسار لە پارێزگاکە کوژێندرایەوە.
ئەمڕۆ سێشەممە 24 ئەیلوول، حوسێن درەخشان، بەڕێوەبەری مانگی سووری پارێزگای سمنان گوتی، ئاگرەکە دوای 18 کاژێر لە کەوتنەوەی، لەلایەن هێزەکانی فریاگوزاری و تیمەکانی ئاگرکوژێنەوە بە تەواوی کوژێندرایەوە.
دوێنی لە کۆمپانیاکانی بەرهەمهێنانی رۆنی بزوێنەری ئۆتۆمبێل لە ناوچەی پیشەسازیی گەرمسار ئاگر کەوتەوە.
ئاگرەکە زۆر بە خێرایی تەشەنەی سەند و گەیشتە چەند کۆمپانیایەکی دیکە کە لە هەندێکیاندا تەقینەوە دروستبوو.
بەهۆی ئاگرکەوتنەوە و تەقینەوەکانەوە 22 کەس برینداربوون و دوخی تەندروستی 2 لە بریندارەکان ناجێگیرە.
تاوەکو ئێستا هۆکاری کەوتنەوەی ئاگرەکە دیار نییە و لیکۆڵینەوە لەو بارەوە دەستی پێکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ