رووداو - هەولێر
لەسەر فەرمانی شا سەلمان، شای سعودیە، شەوی پێنجشەممە مزگەوتی گەورەی مەککە و مزگەوتی نەبەوی لە مەدینە کرانەوە، کە تایبەت دەبێت بە مانگی رەمەزان و نوێژەکانی تەراویحیان تێدا ئەنجامدەدرێت.
کردنەوەی ئەو دوو مزگەوتە لەکاتێکدایە کە بڕیاری قەدەخەی هاتووچۆ لە سعودیە بەردەوامە و سەردانی عومرەکارانیش بۆ مەککە و مەدینە هەڵپەسێردراوە.
تائێستا لە سعودیە 13 هەزار و 930 کەس تووشی ڤایرۆسی کۆرۆنا بوون، 121 کەس گیانیان لەدەستداوە و هەزار و 925 کەسیش چاکبوونەتەوە.
ئەمە لەکاتێکدایە رۆژی سێشەممە 21-04-2020 د. عەبدولڕەحمان بن عەبدولعەزیز سودەیس، سەرۆکی کاروباری گشتیی هەردوو مزگەوتی پیرۆزی مەککە و مەدینە لە سعودییە لە توویتێکدا لە هەژماری خۆی رایگەیاند "بۆ رێگرتن لە بڵاوبوونەوەی ڤایرۆسی کۆرۆنا، هەڵپەساردنی پێنج نوێژەکە و نوێژی تەراویح لە مزگەوتی حەرام لە مەککە و مزگەوتی پێغەمبەر لە شاری مەدینە لە مانگی رەمەزانی ئەمساڵ بەردەوام دەبێت".
رۆژی 23ـی ئادار لە سعودیە بۆ رێگریکردن لە بڵاوبوونەوەی ڤایرۆسی کۆرۆنا، باری نائاسایی راگەیێندرا و بڕیاری داخستنی مزگەوتەکان درا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ