رۆژهەڵاتی نێوەڕاست
هاونیشتمانییەکە لەژێر چاودێریی چڕدا لە نەخۆشخانە کە کچەکەی بەسەرییەوە وەستاوە، وێنەکە نەبەز ئیسماعیل بڵاوی کردووەتەوە
prev
next
رووداو دیجیتاڵ
گوتەبێژی وەزارەتی ئەوقاف و کاروباری ئایینی هەرێمی کوردستان دەڵێت، هاونیشتمانییەک کە بۆ حەج چووەتە سعودییە، جەڵتەی مێشک لێی داوە و پێویستی بە نەشتەرگەری بووە.
رۆژی دووشەممە 19-06-2023، نەبەز ئیسماعیل، گوتەبێژی وەزارەتی ئەوقاف و کاروباری ئایینی هەرێمی کوردستان بە تۆڕی میدیایی رووداوی گوت، "ئەو حاجییە ناوی ئەختەر ئەحمەدە و دانیشتووی هەڵەبجەی تازەیە، لەدایکبووی ساڵی 1955ـە. ئەو لە هەرێمی کوردستان نەخۆش بووە، بەڵام دۆخی تەندروستیی زۆر خراپ نەبووە؛ کاتێک گەیشتووەتە سعودییە، جەڵتەی مێشک لێیداوە و راستەوخۆ بۆ نەخۆشخانە گوازراوەتەوە".
بەگوتەی گوتەبێژی وەزارەتی ئەوقاف و کاروباری ئایینی، "ئەو حاجییە هیچ کەسێکی لەگەڵدا نەبووە، بەڵام دوێنێ (یەکشەممە) کچەکەی گەیشتووەتە سعودیە و دواتر ئەختەر نەشتەرگەریی مێشکی بۆ کرا، هێشتاش ژیانی لەمەترسیدایە".
یەکەم زیارەتی هاونیشتمانییان بۆ سعودیە 9ـی ئەم مانگە بە رێگەی وشکانی دەستیپێکرد؛ گەشتی ئاسمانیش لە 12ـی ئەم مانگە لە فڕۆکەخانەکانی هەولێر و سلێمانییەوە دەستیپێکرد.
نەبەز ئیسماعیل گوتی، "رۆژی یەکشەممە دوایین کاروانی حاجییان گەیشتە سعودیە و بەوەش سەرجەم حاجییان گەیشتوون کە ژمارەیان چوار هەزار و 685 حاجییە".
تێچووی حەجی ئەمساڵ بە رێگەی ئاسمانی 4 هەزار و 500 دۆلارە و بە رێگەی وشکانیش 3 هەزار و 800 دۆلارە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ