هەڵەیەک روویدا! دووبارە هەوڵبدە
رووداو دیجیتاڵ
سەرۆکوەزیرانى عێراق رایگەیاند، ئەو هەڕەشانە رەتدەکەنەوە، کە رووبەڕووى کۆمارى ئیسلامیى ئێران دەبنەوە.
ئەو گوتانەى محەممەد شیاع سوودانى، سەرۆکوەزیران لە پەپوەندییەکى تەلەفۆنیدا بوو کە بە بۆنەى جەژنى رەمەزانەوە لەگەڵ مەسعود پزیشکیان، سەرۆککۆمارى ئێران کردیان.
بە گوێرەى راگەیێندراوى نووسینگەى سەرۆکوەزیرانى عێراق، لەو پەیوەندییە تەلەفۆنییەدا محەممەد شیاع سوودانى، رایگەیاندووە، عێراق ئەو هەڕەشانە رەتدەکاتەوە کە رووبەڕووى کۆمارى ئیسلامیى ئێران دەبنەوە و پەرۆشیشە بۆ ئاسایش و سەقامگیریى ئەو وڵاتە.
رۆژی 30ـی ئاداری 2025، دۆناڵد ترەمپ، سەرۆکی ئەمریکا لە هەڤپەیڤینێکدا لە کەناڵی سی بی ئێس نیووزی ئەمریکی، هەڕەشەی لە ئێران کرد و رایگەیاند، ئەگەر لەسەر بەرنامەی ئەتۆمی رێکنەکەون، بۆمببارانی دەکات.
لە راگەیێندراوەکەدا ئاماژەى بەوەدراوە، لەو پەیوەندییە تەلەفۆنییەدا سوودانى و پزیشکیان باسیان لە هاوئاهەنگیى نێوان وڵاتانى جیهانى ئیسلامى کردووە بۆ رووبەڕووبوونەوەى ئاڵنگارى و مەترسییەکان بە ئاراستەیەک کە ببێتە هۆى هێنانە کایەى ئاسایش و سەقامگیریى هەموو وڵاتانى ئیسلامى.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ