رووداو دیجیتاڵ
کەشناسیی هەرێمی کوردستان رایگەیاند، بارانبارین لە هەرێمی کوردستان بەردەوام دەبێت و پلەی گەرما نزیکەی 8 پلەی سیلیزی دادەبەزێت.
لە شەوی رابردووەوە لە هەرێمی کوردستان باران دەبارێت. بەگوێرەی راگەیێندراوی ئەمڕۆ (دووشەممە)ـی کەشناسیی هەرێمی کوردستان، تاوەکو پێش نیوەڕۆی ئەمڕۆ بارانبارین لە چەند ناوچەیەک بەردەوام دەبێت و ئێوارە دۆخەکە کەشەکە ئاسایی دەبێتەوە.
کەشناسیی هەرێمی کوردستان لەبارەی پلەی گەرما، ئاماژەی بەوە کردووە، ئەمڕۆ بەراورد بە دوێنێ، 6 بۆ 8 پلەی سیلیزی دادەبەزێت.
کەشناسیی هەرێمی کوردستان بەمشێوەیە پێشبینی بۆ کەشوهەوای سبەی کردووە، "دوای نیوەڕۆ ئاسمان دەبێتە هەوری تەواو؛ بۆ کاتەکانی درەنگ نمەباران لە سنووری پارێزگای دهۆک دەستپێدەکات، پاشان بۆ کاتەکانی بەیانیی رۆژی چوارشەممە، کاریگەری درێژ دەبێتەوە بۆ ناوچەکانی دیکە بەشێوەی تاوەباران و برووسکە".
بەگوێرەی کەشناسی، سبەی بەراورد بە ئەمڕۆ، پلەی گەرما دوو بۆ چوار پلەی سیلیزی بەرزدەبێتەوە و بەمشێوەیە دەبێت:
هەولێر: 26 پلەی سیلیزی
سلێمانی: 23 پلەی سیلیزی
دهۆک: 23 پلەی سیلیزی
کەرکووک: 28 پلەی سیلیزی
زاخۆ: 23 پلەی سیلیزی
هەڵەبجە: 23 پلەی سیلیزی
سۆران: 22 پلەی سیلیزی
حاجی ئۆمەران: 15 پلەی سیلیزی
گەرمیان: 26 پلەی سیلیزی
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ