هاونیشتمانییەک لە بەستۆڕە بە دەستی مامی هاوژینەکەی کوژرا

28-09-2024
ژیڤان بەکر
A+ A-
 
رووداو دیجیتاڵ 

گەنجێکی 34 ساڵان لە سنووری پارێزگای هەولێر بە دەستی ئامۆزایەکی خۆی کە هاوکات مامی هاوژینەکەیەتی، دەکوژرێت. مامی کوژراوەکە دەڵێت، "لەسەر کێشەی کۆمەڵایەتی بووە."
 
ئەمڕۆ شوکر محەممەد عەلی، مامی کوژراوەکە بە رووداوی گوت: "ئێوارەی ئەمڕۆ دەوروبەری کاژێر 17:00، لەسەر کێشەیەکی کۆمەڵایەتی، برازام نێچیر عوسمان محەممەد بە دەستی ئامۆزایەکی خۆی کوژرا."
 
بە گوتەی شوکر محەممەد عەلی، بکوژەکە ناوی س. م. س. ـە و جگە لەوەی ئامۆزای کوژراوە، هاوکات مامی خێزانی کوژراوەکەیشە.
 
هاونیشتمانییەکە دانیشتووی شارۆچکەی کۆڕێیە، تەمەنی 34 ساڵە، دەرچووی بەشی ژمێریاری زانکۆی جیهانە.
 
شوکر محەممەد عەلی، مامی کوژراوەکە دەشڵێت، "برازاکەم لە بەستۆڕە کوژرا و پۆلیس گەیاندیانە دادپزیشکیی هەولێر؛ سکاڵامان تۆمار کرد و دۆسیەی لێکۆڵینەوەی لەلایەن پۆلیسەوە بۆ کراوەتەوە. لە کۆڕێ بە خاکی دەسپێرین."
 

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

نێجیرڤان بارزانی سەرەخۆشی لە خێزانی عەمید فەرهاد دەکات

نێچیرڤان بارزانی سەرەخۆشی لە خانەوادەی عەمید فەرهاد دەکات

نێجیرڤان بارزانی، سەرۆکی هەرێمی کوردستان سەرەخۆشی لە خانەوادەی جێگری بەڕێوەبەری گشتیی پۆلیسی هەرێمی کوردستان دەکات و دەڵێت: "هاوسۆز و هاوخەمیانم".