جەبار یاوەر پلەکەی بەرزکرایەوە و خانەنشینکرا

 

 

ئەمڕۆ چوارشەممە 26.1.2022 جەبار یاوەر، ئەمینداری گشتیی پێشووی وەزارەتی پێشمەرگە بە رووداوی راگەیاند، تەمەنی یاسایی خۆم تەواوکردووە و بە فەرمانی ئەنجوومەنی وەزیران خانەنشینکراوم.

 

جەبار یاوەر، پێشتر وەکو گوتەبێژی وەزارەتی پێشمەرگە و دواتریش ئەمینداری گشتیی کاری کردووە و پلە سەربازییەکەی فەریق بووە و دەڵێ: "بە پلەی فەریقی یەکەم خانەنشینکراوم، کە بەرزترین پلەی سەربازییە لە عێراق و هەرێمی کوردستان".

 

لەبارەی کارکردنی لەدوای خانەنشینبوون، فەریق یەکەمی خانەنشینکراو جەبار یاوەر گوتی: "بە نیازنیم لەماڵەوە دابنیشم، رەنگە لە ناوەندێکی لێکۆڵینەوەی سەربازی یان ستراتیژی کاربکەم، هەروەها وەکو شارەزای سەربازی هاوئاهەنگیم لەگەڵ دەزگاکانی راگەیاندن دەبێت و رەنگە لە سەرۆکایەتیی هەرێمی کوردستانیش وەکو راوێژکار دەستبەکاربم".

 

جەبار یاوەر مەندە

 

ساڵی 1959 لەدایکبووە

ساڵی 1980 بڕوانامەی بەکالۆریۆسی لە ئابووریی کشتوکاڵ بەدەستهێناوە

ساڵی 1991 بڕوانامەی لە کۆلێژی سەربازی بەدەستهێناوە

ساڵی 1980 بووەتە پێشمەرگە

خێزاندارە و باوکی سێ کوڕ و کچێکە