رووداو دیجیتاڵ
پۆلیسی راپەڕین رایگەیاند، بە چەکی جۆری دەمانچە لەلایەن کەسێکەوە تەقە لە دوو برا کراوە، بەوهۆیەوە هەردووکیان برینداربوون و شوێنەواری پێنج گولـلە بەجەستەیانەوە هەیە.
رۆژی شەممە 12-11-2022، بەڕێوەبەرایەتیی پۆلیسی راپەڕین لە راگەیێندراوێکدا باسی لە رووداوێکی تەقەکردن کرد کە کاژێر 10:15 خولەکی ئەمشەو روویداوە و گوتی: لە گەڕەکی راپەڕین لەلایەن کەسێکەوە بەچەکی جۆری دەمانچە تەقە لە دوو برا بەناوەکانی (خ. ع. ق) لەدایکبووی ساڵی 1990 و (ق. ع. ق) لەدایکبووی ساڵی 1987 کراوە کە هەردووکیان کاسبکارن و دانیشتووی گەڕەکی راپەڕینن.
لە راگەیێندراوەکەی پۆلیسدا هاتووە: "هەردوو براکە برینداربوون و شوێنەواری پێنج گولـلە بەسەر جەستەی هەردووکیانەوە هەیە."
وەک پۆلیسی راپەڕین دەڵێت: "بە بڕیاری دادوەر و بە مادەی 405/31 فەرمانی دەستگیرکردن بۆ کەسێک دەرچووە. ئێستا هەردوو بریندارەکە لە نەخۆشخانەی گشتیی قەڵادزێ لە ژێر چاودێری پزیشکیدان، هەروەها بۆ هەمان مەبەستیش هێزەکانمان دەستیان بە لێکۆڵینەوە لە رووداوەکە کردووە."
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ