رووداو دیجیتاڵ
ئەمشەو شێرزاد عەبدولوەهاب ناسراو بە 'مامە ڤاندام' دەستگیر کرا. گوتەبێژی پۆلیسی سلێمانی دەڵێت: " بە یاسای خراپ بەکارهێنانی ئامێرەکانی پەیوندی دەستگیر کراوە."
ئەمڕۆ یەکشەممە، 12ی ئایاری 2024، سەرکەوت ئەحمەد، گوتەبێژی پۆلیسی سلێمانی بە رووداوی گوت: "شێرزاد عەبدولوەهاب، ناسراو بە 'مامە ڤاندام' کاتی خۆی سکاڵای لەسەر کەسێک تۆمار کردبوو، ئەویش سکاڵای لە دژی تۆمار کردەوە و دەستگیر کرا."
بە گوتەی گوتەبێژی پۆلیسی سلێمانی، ئەو کەسەی کاتی خۆی مامە ڤاندام سکاڵای لەسەر تۆمار کردبوو، ئەویش کارەکتەری سۆشیال میدیایە و ناوی کاروان "کارەی بەرخەسپی"یە. لەسەر سکاڵاکەی مامە ڤاندام، دادوەر دەستبەسەری کرد. دواتر ئەو ئازاد کرا.
سەرکەوت ئەحمەد دەشڵێت: "ئێستا کارەی بەرخەسپیش ڤیدیۆیەکی بردووە کە شێرزاد سووکایەتیی بە کاروان دەکات. ئەمڕۆ مامە ڤاندام چووەتە بنکەی پۆلیسی هەواری شار و لەوێ وتەیان وەرگرتووە، دادوەر لەبەر دۆخی سەلامەتیی ئێستا مامە ڤاندام بەندکراوە."
گوتەبێژی پۆلیسی سلێمانی ئاماژەی بەوەشدا، تۆمەتبار بەپێی مادەی دوو لە یاسای خراپ بەکارهێنانی ئامێرەکانی پەیوەندی دەستگیر کراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ