رووداو دیجیتاڵ
ئەنجوومەنی هەناردەکارانی تورکیا رایگەیاند، ساڵی 2020 ئاستی هەناردەکاری لە تورکیا و باکووری کوردستان 169 ملیار و 670 ملیۆن دۆلار بووە. لەو ژمارەیەشدا و بەپێی بەدواداچوونی تۆڕی میدیایی رووداو، ئاستی هەناردەکاری باکووری کوردستان 12 ملیار و 66 ملیۆن و 163 هەزار و 506 دۆلارە.
بەپێی ئامارە فەرمییەکە، ئیستەنبووڵ لە ریزبەندیی یەکەمدایە لە هەناردەکردن بۆ دەرەوەی وڵات. لە ساڵی 2020دا تەنیا ئیستەنبووڵ بە بڕی 82 ملیار و 870 ملیۆن دۆلار کاڵای هەناردەی جیهان کردووە، کە رێژەی 48.84%ی کۆی هەناردەکاری تورکیا پێکدەهێنێت.
پارێزگای دیلۆکیش بەگوێرەی ئامارە فەرمییەکە لە ریزبەندیی چوارەمی تورکیا و دوای ئیستەنبووڵ و ئیزمیر و بورسا دێت و یەکەمی باکووری کوردستانە. دیلۆک لە ساڵی 2020دا بە بەهای 8 ملیار و 166 ملیۆن و 554 هەزار و 115 دۆلار کاڵا و بەرهەمی خۆی هەناردەی جیهان کردووە، کە رێژەی 4.81%ی کۆی هەناردەی تورکیا پێکدەهێنێت.
دیلۆکی باکووری کوردستان لە ئەنقەرە و کۆجائێلی و ساکاریا و مێرسین و دەنیزلی و هاتای کە شاری پیشەسازییە پێشکەوتووەکانن، بەرهەم و هەناردەی زیاتربووە.
بەبێ دیلۆک، کۆی هەناردەی باکووری کوردستان تەنیا 3 ملیار و 899 ملیۆن و 609 هەزار و 391 دۆلارە. کەمترین ئاستی هەناردەکاری لە باکووری کوردستان لە دێرسم تۆمارکراوە کە تەنیا بە بەهای 225 هەزار و 400 دۆلار بووە.
ریزبەندیی هەناردەکردن لە باکووری کوردستان بۆ ساڵی 2020 بەگوێرەی پارێزگاکان بەمجۆرەیە:
دیلۆک: 8 ملیار و 166 ملیۆن و 554 هەزار و 115 دۆلار
مێردین: 962 ملیۆن و 981 هەزار و 716 دۆلار
گمگم: 861 ملیۆن و 348 هەزار و 600 دۆلار
شرناخ: 642 ملیۆن و 237 هەزار و 52 دۆلار
مەلەتێ: 288 ملیۆن و 940 هەزار و 87 دۆلار
ئامەد: 254 ملیۆن و 446 هەزار و 72 دۆلار
رووها: 153 ملیۆن و 564 هەزار و 527 دۆلار
مووش: 134 ملیۆن و 864 هەزار و 821 دۆلار
سێواس: 92 ملیۆن و 338 هەزار و 375 دۆلار
سەمسوور: 88 ملیۆن و 468 هەزار و 6 دۆلار
ئیدیر: 86 ملیۆن و 197 هەزار و 860 دۆلار
سێرت: 75 ملیۆن و 151 هەزار و 450 دۆلار
کیلیس: 68 ملیۆن و 252 هەزار و 351 دۆلار
جۆلەمێرگ: 38 ملیۆن و 232 هەزار و 348 دۆلار
ئێلیە: 36 ملیۆن و 852 هەزار و 490 دۆلار
ئاگری: 33 ملیۆن و 670 هەزار و 822 دۆلار
وان: 25 ملیۆن و 358 هەزار و 360 دۆلار
ئەرزەڕۆم: 23 ملیۆن و 548 هەزار و 867 دۆلار
ئەرزینجان: 20 ملیۆن و 482 هەزار و 786 دۆلار
بەدلیس: 4 ملیۆن و 781 هەزار و 649 دۆلار
ئەردەخان: 3 ملیۆن و 583 هەزار و 15 دۆلار
چەولیگ: 2 ملیۆن و 835 هەزار و 691 دۆلار
قارس: 1 ملیۆن و 247 هەزار و 46 دۆلار
دێرسم: 225 هەزار و 400 دۆلار
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ