لە رووداوێکی تەقەکردندا لە دهۆک پۆلیسێک برینداربوو

 

 

بەگوێرەی زانیارییەکانی رووداو کە لە سەرچاوە ئەمنی و پزیشکییەکان دەستیکەوتوون، دوو کەس تەقەیان کردووە. ئەو پۆلیسەی بریندار بووە، گوللە بەر قاچێکی کەوتووە و بۆ نەخۆشخانە گواستراوەتەوە. لەدوای رووداوەکە هێزە ئەمنییەکان چوونە شوێنی تەقەکردنەکە و لێکۆڵێنەوەیان لە رووداوەکە دەستپێکردووە. 

 

پۆلیسەکە کارمەندی بەڕێوەبەرایەتیی خانەنشینی دهۆکە و لە نەخۆشخانە چارەسەر وەردەگرێت. 

 

تاوەکو ئێستا هۆکاری پشت تەقەکرنەکە دیار نییە و هێرشکارەکانیش دەستگیر نەکراون.