رووداو دیجیتاڵ
سەرۆک مەسعود بارزانی بەبۆنەی 45ـەم ساڵڕۆژی دامەزراندنی حیزبی سۆسیالیست دیموکراتی کوردستان پیرۆزبایی ئاراستەی محەممەد حاجی مەحموود، سکرتێری گشتیی حیزی سۆسیالیست دەکات و دەڵێت، ئێوە "جێگەی تایبەتتان لەناو بزاڤی رزگاریخوازی كوردستان لە قۆناخە جۆراوجۆرەكاندا هەبووە".
ئەمڕۆ دووشەممە 09-08-2021 پەیجی فەرمیی بارەگای بارزانی لە تۆڕی کۆمەڵایەتیی فەیسبووک پیرۆزبایی سەرۆک بارزانی لە حیزبی سۆسیالیست بڵاودەکاتەوە. سەرۆک بارزانی رایدەگەیێنێت، "هیوادارم ئەو بۆنەیە ببێتە مایەی پێشڤەچوونی زیاتری كاروباری حیزبە تێكۆشەرەكەتان و هەروەها پتەوتربوونی پەیوەندیی نێوان سەرجەم حیزب و لایەنە سیاسییەكانی كوردستان".
دەقی پەیامی سەرۆک بارزانی:
برووسکەی پیرۆزبایی سەرۆک بارزانی بۆ سکرتێری گشتیی حزبی سۆسیالیست دیموکراتی کوردستان
برای بەڕێز كاك محەمەد حاجی مەحموود سكرتێری گشتیی حزبی سۆسیالیست دیموكراتی كوردستان
سڵاوێكی گەرم
بەبۆنەی چل و پێنجەمین ساڵیادی دامەزراندنی حزبی سۆسیالیست دیموكراتی كوردستان گەرمترین پیرۆزبایی خۆم ئاراستەی بەڕێزتان و سەركردایەتی و كادر و ئەندام و لایەنگرانتان دەكەم و هیوای سەركەوتنتان بۆ دەخوازم.
بەڕێزتان و حزبی سۆسیالیست دیموكراتی كوردستان جێگەی تایبەتتان لەناو بزاڤی ڕزگاریخوازی كوردستان لە قۆناغە جۆراوجۆرەكاندا هەبووە و هیواداریشم ئەو بۆنەیە ببێتە مایەی پێشڤەچوونی زیاتری كاروباری حزبە تێكۆشەرەكەتان و هەروەها پتەوتربوونی پەیوەندی نێوان سەرجەم حزب و لایەنە سیاسییەكانی كوردستان,
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ