گومرگی کشتوکاڵی لە هەولێر: لە جەژن دا نرخی سەوزە و میوە بە جێگیری دەمێنێتەوە

 

ئەمڕۆ (سێشەممە، 9-4-2024) هۆشیار جەلیل، بەرپرسی چاودێریی گومرگی کشتوکاڵی لە هەولێر لەبارەی نرخی سەوزە و میوەوە بە رووداوی رایگەیاند، "بەراورد بە هەفتەی رابردوو، تەنیا تەماتە 100 دینار زیادی کردووە، ئەوەش ئاساییە. نرخی تەماتەی ئاسایی لە 300 تا 600 دینار دەستپێدەکات. بەڵام تەماتەی وشی "هێشوو"، نرخی لە عەلوە 1200 تا 1250 دیناری عێراقییە."

 

فەرهاد پەشێو، کاسبکارێکی عەلوەی هەولێرە، لەبارەی نرخی سەوزە و میوەوە بە رووداوی گوت، بەراورد بە دوێنێ و پێرێ وەک خۆیەتی. 

 

بە گوتەی بەرپرسی چاودێریی گومرگی کشتوکاڵی لە هەولێر، نرخی بەرهەمە خۆماڵییەکان جێگیرە، تەنیا ئەو بەرهەمانە نەبێت کە خۆڕسک و سرووشتین. ئەوانیش هەفتەی یەکەم لە وەرزدا نرخەکانیان گرانن، بۆ نموونە کنگر، بەراورد بە ساڵانی رابردوو کەمترە و خواست لەسەری زیاترە.

 

 

تەماتە؛ 250 دینار

خەیار؛ 250 دینار

پیاز؛ 750 دینار

باینجان؛ 800 دینار 

کولەکە؛ 900 دینار 

پاقلە؛ 500 دینار

گەڵامێو؛ 1400 دینار

پرتەقاڵی میسری؛ 750 دینار

پرتەقاڵی سووری؛ 650 دینار

لیمۆی تورکی؛ 600 دینار

بیبەر؛ 1100 دینار

کارتۆنی مۆز کە 20 کیلۆی تێدایە؛ 19000 دینار