لە مەرەش دوای 31 کاژێر منداڵێکی تەمەن 15 مانگ رزگارکرا

07-02-2023
هەوار ئیسماعیل
دیمەنی رزگارکردنی منداڵەکە
دیمەنی رزگارکردنی منداڵەکە
A+ A-

رووداو دیجیتاڵ 

لە شاری مەرەشی باکووری کوردستان منداڵێکی تەمەن 15 مانگ دوای 31 کاژێر مانەوە لەژێر داروپەردووی باڵەخانەیەکدا، رزگارکرا. 
 
ئەمڕۆ سێشەممە 7ـی شوباتی 2023 لە گەڕەکی مەندەرەس منداڵێکی تەمەن 15 مانگ بە ناوی مریەم ئیشک لەژێر داروپەردووی باڵەخانەیەکی 10 نهۆمی رزگار کرا، کە بەرەبەیانی رۆژی دووشەممە بەهۆی بوومەلەرزە 7.7 پلەییەکەی مەڕەش، رووخابوو. 
 
دوای بیستنی دەنگی منداڵەکە لەلایەن تیمەکانی ئافاد هەوڵەکان بۆ رزگارکردنی چڕکرانەوە. دوای ئەوەی مریەم ئیشک بە سەلامەتی لەژێر داروپەردووی باڵەخانەکە هێندرایە دەرەوە، بە ئامبوڵانس گەیێندرایە نەخۆشخانە. 
 
تیمەکان بەردەوامن لە هەوڵەکانیان بۆ رزگارکردنی دایکی ئەو منداڵە کە لەژێر داروپەردووی باڵەخانەیەکە ماوەتەوە.  
 
بەرەبەیانیی رۆژی دووشەممە شەشی شوباتی 2023 بوومەلەرزەیەکی بەهێز پارێزگای مەڕەشی لە باکووری کوردستان هەژاند کە زیانی گەورەی هەبوو. بەگوێرەی ئامارە فەرمییەکان تائێستا سێ هەزار و 432 کەس گیانیانلەدەستداوە و 21 هەزار و 103 کەسیش برینداربوون. هەروەها زیاتر لە هەشت هەزار هاووڵاتیی لەژێر داروپەردووەکاندا رزگارکراون.
 
هاوکات لە پارێزگای هاتای تورکیاش، دایکێکی 30 ساڵان و منداڵێکی شەش مانگ دوای 29 کاژێر رزگار کران؛ بەپێی وێنەکان، وا دەردەکەوت کە منداڵەکە زیانی بەرنەکەوتووە. 

 

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

کێڵگەیەکی نەوت لە هەرێمی کوردستان. وێنە: بڵند تاهیر - رووداو

بەرپرسێکی وەزارەتی دەرەوەی ئەمریکا: زۆربەی نەوتی هەرێمی کوردستان بە قاچاخ دەبردرێت

جۆفری پایت، یاریدەدەری وەزیری دەرەوەی ئەرمیکا بۆ سەرچاوەکانی وزە دەڵێت: "پێمان وایە پێویستە بۆریی نەوتی عێراق-تورکیا بکەوێتەوە کار. پێمان وایە ئەمە کارێکی لەپێشینەیە، چونکە ئێستا بەرهەمهێنانی نەوتی خاو لە هەرێمی کوردستان بەشێوەیەکی کردەیی گەیشتووەتەوە ئاستی پێش راگرتنی بۆرییەکە. ئەو نەوتە هەمووی دەڕوات بۆ شوێنێک. زۆربەی بە قاچاخ دەبردرێت. بە لۆری دەڕوات کە ئەوەش بە قورسی لەسەر رێگە و بانەکانی هەرێمی کوردستان دەکەوێت. لە دەرگای پشتەوە دەردەچێت بە شێوەیەک کە نە سوودی بۆ بودجەی هەولێر هەیە، نە بۆ بودجەی عێراق."