هەڵەیەک روویدا! دووبارە هەوڵبدە
پێکهێنانی بەرەی ئاشتی و گرێبەستی 25 ساڵەی نەوتی لەنێوان کورد و واشنتندا دەبێتە دوو ئەنجامی ناڕاستەوخۆی ئەو دانوستاندنانە.
رووداو دیجیتاڵ
دوای ئەوەی ئەنجومەنی نیشتمانیی کورد لە سوریا (ئەنەکەسە) و پارتەکانی یەکێتیی نیشتمانی لە بورای سیاسیدا رێککەوتن و سەرەتای ئەم هەفتەیە قۆناخی دووەمی دانوستاندنەکانیان لە بواری سەربازی و ئیداری و ئابووری دەستپێکرد و بڕیاریشە بەمزووانە بە چاودێریی ئەمریکا و بەشداریی فەرماندەی گشتیی هێزەکانی سووریای دیموکرات دانوستاندنەکان بەردەوام بن.
ساڵح گەدۆ، ئەندامی شاندی پەیەدە بە تۆڕی میدیایی رووداوی راگەیاند، "دوای شەش-حەوت ساڵ لە ناکۆکی، ئەوە یەکەم جارە هەردوو شاند کۆدەبنەوە. ئێمە بەرەبەرە پردی هاوبۆچوونی دەسازێنین تاوەکو بتوانین گفتوگۆ بکەین و ئەنجام بەدیبهێنین".
بۆ هەڵدانەوەی لاپەڕەیەکی نوێ و چوونە نێو قۆناخێکی نوێ لە رۆژئاوای کوردستان، پێویست بە گۆڕانکاری لە بەڕێوەبەرایەتیی ئێستادا هەیە. سەربازیی زۆرەملێ و بەرنامەی خوێندن دوو خاڵی سەرەکین کە ئەم جارە ئەنجوومەنیی نیشتمانیی کورد پێداگرییان لێدەکات.
فەیسەڵ یوسف، ئەندامی شاندی ئەنەکەسەیە و بە رووداوی راگەیاند، "ئێمە لەسەر رێککەوتنی ساڵی 2014ی دهۆک دەڕۆین. لە پرسی سەرۆکایەتی و سەربازیدا دەبێت هاوبەش بین".
پێکهێنانی بەرەی ئاشتی و گرێبەستی 25 ساڵەی نەوتی لەنێوان کورد و واشنتندا دەبێتە دوو ئەنجامی ناڕاستەوخۆی ئەو دانوستاندنانە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ