رووداو دیجیتاڵ
سەرلەبەیانی ئەمڕۆ لە دادگای سلێمانی ژنێک لە نهۆمی یەكەمی باڵەخانەکەوە خۆی هەڵدایە خوارەوە و بریندار بوو، گوتەبێژی پۆلیسی سلێمانیش دەڵێت، "هۆكارەكەی ئەوەیە لەگەڵ هاوسەرەکەی كێشەی هەبووە".
سەركەوت ئەحمەد، گوتەبێژی پۆلیسی سلێمانی بە تۆڕی میدیایی رووداوی راگەیاند، "كاژێر 10:30 بەیانیی ئەمڕۆ چوارشەممە، ژنێك لە نهۆمی یەكەمی بینای دادگای سلێمانی خۆی هەڵدەداتە خوارەوە و هۆكارەكەشی كێشەی كۆمەڵایەتییە".
هەروەها گوتی، "بەپێی لێكۆڵینەوە سەرەتاییەكان ژنەكە لەگەڵ مێردەكەی كێشەی هەبووە و هۆكاری خۆهەڵدانەكەشی هەر پەیوەندی بەو كێشەیەوە هەبووە".
گوتەبێژەكەی پۆلیسی سلێمانی ئەوەشی خستەڕوو، ژنەكە بەهۆی ئەو رووداوەوە بریندار بووە بە ئەمبوڵانس براوەتە نەخۆشخانە بۆ چارەسەركردن و گوتیشی، "لەسەر رووداوەكە پۆلیس دەستی بە لێكۆڵینەوە كردووە".
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ