رووداو دیجیتاڵ
لە پارێزگای شرنەخی باکووری کوردستان بۆ 13 رۆژ قەدەخەی خۆپێشاندان و گردبوونەوە راگەیێندرا. ئەمەش دوای ئەوەی دەم پارتی رایگەیاند بەنیازی رێپێوانە.
پارێزگای شرنەخ لە راگەیێندراوێکدا ئاماژەی بەوەدا، لە سێی شوباتی 2024 تاوەکو 15 شوباتی 2024 لە ناوەندی شار و شارۆچکەکانی شرنەخ هەموو جۆرە گردبوونه‌وه، خۆپێشاندان، رێپێوان و مانگرتن، هه‌ڵدانی چادر و چالاكییەکی دیکە قه‌ده‌خەیە.
لە راگەیێندراوەکەدا ئاماژە بەوەدراوە، بەمەبەستی "پاراستنی ماڵ و گیانی هاووڵاتیان"، "رێگریکردن لە هێرش"، "لەناوبردنی رێکخراوی تیرۆر" و "دەستەبەرکردنی ئاسایشی نیشتمانی" ئەو بڕیارە دراوە و جەخت کراوەتەوە، لەو وادەیەدا رێگە بە هیچ کار و چالاکییەکی بێ مۆڵەت نادرێت تەنیا ئەو چالاکییانە نەبێت، کە لەلایەن پارێزگار و قایمقامەکانەوە مۆڵەتیان پێدەدەرێ.
لە سەرەتای مانگی شوباتەوە قەدەخەی خۆپیشاندان و گردبوونەوە لە زۆربەی پارێزگاکانی باکووری کوردستان راگەیێندراوە. ئەمەش دوای ئەوە هات تولای حاتمئۆغوڵڵاری ئۆروچ، هاوسەرۆکی پارتی یەکسانی و دیموکراسیی گەلان - دەم پارتی رۆژی چوارشەممە 31ـی کانوونی دووەمی 2024 رایگەیاند، بە ئامانجی چارەسەرکردنی پرسی کورد لە یەک ـی شوباتدا دەست بە رێپێوان دەکەن و رێپێوانەکەیان تاوەکو 15ـی شوبات بەردەوام دەبێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ