رووداو دیجیتاڵ
وەزارەتی پێشمەرگە رایگەیاند، رۆژی پێنجشەممە 04-01-2024 مووچەی مانگی 12ی 2023ی لیواکانی پیادەی وەزارەتی پێشمەرگە دابەشدەکرێت.
بەگوێرەی راگەیێندراوێکی وەزارەتی پێشمەرگە کە رۆژی سێشەممە 02-01-2024 بڵاویکردووەتەوە، "دوای ئەوەی هاوکاریی هێزەکانی هاوپەیمانان بۆ هێزەکانی پێشمەرگە خراوەتە سەر هەژماری وەزارەتی پێشمەرگە، بەڕێوەبەرایەتیی گشتیی بودجە و بەرنامەکان (ژمێریاری سەربازی)، رێکارە دارایی و ژمێرییارییەکانی تەواو کردووە و بانکەکانی ئاگادار کردوونەتەوە لە دابەشکردنی مووچەی لیواکانی پیادەی وەزارەتەکە."
لە راگەیێندراوەکەی وەزارەتی پێشمەرگەدا هاتووە، ئەو مووچەیەی لیواکانی پیادەی وەزارەتی پێشمەرگە کە دابەش دەکرێت، مووچەی مانگی 12ی 2023یە و رۆژی پێنجشەممە 4ی کانوونی دووەمی 2024 دابەشدەکرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ