رووداو دیجیتاڵ
لە زێی بچووک، لە سنووری ئیدارەی راپەڕین دوانیوەڕۆی ئەمڕۆ کەسێک کە بە سەردان لە هەولێرەوە چوو بووە سنووری راپەڕین، خنکا.
عەلی قادر، گوتەبێژی بەرگریی شارستانیی راپەڕین بە تۆڕی میدیایی رووداوی راگەیاند "نزیکەی کاژێر 02:30ـی دوانیوەڕۆی ئەمڕۆ (سێشەممە، 1-8-2023) کەسێک بەناوی محەممەد مستەفا، تەمەن 40 ساڵ، کە دانیشتووی شاری هەولێرە و بەسەردان هاتووەتە سەر زێی بچووک، لەکاتی مەلەکردندا خنکاوە."
تیمەکانی بەرگریی شارستانی راپەڕین تائێستا سەرقاڵی گەڕانن بۆ دۆزینەوە و دەرهێنانی تەرمەکە.
محەممەد مستەفا بە گوتەی گوتەبێژی بەرگریی شارستانیی راپەڕین "خێزاندارە و باوکی پێنج منداڵە."
ئەو هاونیشتمانییە دەبێتە چوارەمین کەس لە سەرەتای ئەمساڵەوە لە زێی بچووکدا خنکابێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ