رووداو دیجیتاڵ
لەگەڵ کردنەوەی بازاڕی ئاڵوگۆڕی دراودا لە هەرێمی کوردستان، 100 دۆلار بە 160 هەزار و 300 دینار مامەڵەی پێوەکرا؛ هەروەها 100 دۆلار بەرامبەر 5 ملیۆن و 250 هەزار تومەنی ئێرانییە.
حاجی سابیر باواجی، ئەندامی ئەنجوومەنی ئاڵوگۆڕی دراو لە هەولێر ئەمڕۆ (دووشەممە، 23-10-2023) بە تۆڕی میدیایی رووداوی گوت، 100 دۆلار بە 160 هەزار و 300 دینار مامەڵەی پێوە دەکرێت.
هاوکات لە بازاڕی دۆلارەکەی سلێمانی 100 دۆلار بە 160 هەزار و 300 دینار مامەڵەی پێوە دەکرێت.
حاجی سابیر باواجی ئاماژەی بەوەکرد، لە بازاڕی ئاڵوگۆڕی دراو لە هەولێر 100 دۆلار بەرامبەر 5 ملیۆن و 250 هەزار تومەنی ئێرانییە.
نزمیی بەهای دیناری عێراقی بەرامبەر دۆلار لە کاتێکدایە، بانکی ناوەندی عێراق رۆژانە بە چەند مەرجێک بە حەواڵە و نەختینە دۆلار بە نرخی فەرمی دەفرۆشێت و لەبەرامبەر 100 دۆلاردا 132 هەزار دینار وەردەگرێت، بەڵام ئاڵوگۆڕکارانی دراو دەڵێن، ئەو پارەیە نایەتە بازاڕەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ