لە هەڤپەیڤینێکی تایبەت لەگەڵ تۆڕی میدیایی رووداو دا، شێخ یوسف جەربووع، کەسایەتی ئایینی دیاری پارێزگای سوەیدا و درووزەکانی سووریا، رەخنە لە راگەیاندنی دەستووری نوێی سووریا (دەستووری کاتی) دەگرێت و دەڵێت ئەو دەستوورە ناتوانێ خواستەکانی گەلی سووریا بەدیبێنێت.
قەیرانی دارایی و نەبوونی کار دۆخی هاووڵاتییانی سووریای بەگشتی خستووەتە دۆخێکی سەختەوە. بەپێی نوێترین ئامار، نزیکەی 90%ی خەڵکی ئەو وڵاتە لەژێر هێڵی هەژاریدان
شارۆچکەی جەرەمانا کە دەکەوێتە باشووری شام و نزیکەی 7 کیلۆمەتر دوورە لە ناوەندی شار، تا ئێستا لە ژێر دەسەڵاتی حکومەتی نوێی سوریادا نییە. نزیکەی دوو ملیۆن و نیو کەس لەم شارۆچکەیەدا نیشتەجێن و زۆربەی دانیشتوانەکەی لە پێکهاتەی دروزین. ژووری ئۆپەراسیۆنی جەرەمانا کە سەر بە شێخەکانی سوەیدایە، ئەم ناوچەیە بەڕێوە دەبەن.
زیاتر لە 600 کەس بۆ کۆنگرەی نیشتمانیی سووریا بانگهێشتکرابوون، بەڵام تەنیا 90٪یان بەشداربوون. هیچ لایەنێکی سیاسیی کوردی لە کۆنگرەکەدا بەشداری نەکرد، چونکە بانگهێشتنامە وەکو لایەنی سیاسی، بۆ هیچ لایەنێکیان نەنێردرابوو.
لە سووریا ئۆتۆمبێلی جۆراوجۆر و مۆدێل بەرز بە نرخێکی کەم دەفرۆشرێن. بەهۆی سزاکانی سەر سووریا و شەڕی نێوخۆی وڵاتەکە، لە ساڵی 2011ـەوە هاوردەکردنی ئۆتۆمبێل بۆ سووریا وەستابوو، ئێستا دەستیپێکردووەتەوە و ئەمەش نرخی ئۆتۆمبێلەکانی 60٪ دابەزاندووە.
ئەوەی لە سەرەتای ئەم ڤیدیۆیەدا دەردەکەوێت، کەمپی ئەو کۆچبەرە سووریاییانەیە کە لە بەرزاییەکانی گۆلان ئاوارە بوونە. دوێنێ شەو 5 کەس دەکەونە نێو تانکییەکی سووتەمەنی و دەخنکێن.
بەشێک لە ئاوارەکانی سووریا گەڕانەوە وڵاتەکانیان، بەڵام بەشێکیان ماڵەکانیان وێران بووە و بەکەڵکی ئەوە نایەت تیایدا بژین
