Hewlêr (Rûdaw) - Li Zanîngeha Nevada Las Vegasê ya li eyaleta Nevadayê ya Amerîkayê êrişeke çekdarî hat kirin.
Hat ragihandin ku di êrişê de herî kêm 3 kesan canê xwe ji dest daye.
Polîsê Nevadayê di daxuyaniya xwe ya li ser tora civakî Xê de ragihand ku çekdarekî li kampusa Zanîngeha Nevada Las Vegasê gule reşandine û gelek kes hatine gulebarankirin.
Polîsan ragihand ku êrişkar bi gulebarana hêzên ewlehiyê canê xwe ji dest daye.
Ji xelkê hat xwestin ku ji cihê bûyerê dûr bikevin û biçin cihekî ewle.
Di Festîvala Muzîkê ya Harvestê ya ku sala 2017an hat lidarxistin de, çend kîlometre dûrî kampusa ku êriş lê hat kirin êrişeke çekdarî hatibû kirin û herî kêm 58 kesan canê xwe ji dest dabû û bi sedan kes jî birîndar bûbûn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse