Hewlêr (Rûdaw) - Di pêşbirka duyemîn a Koma Eyê ya Kûpaya Cîhanî ya 2022an de ku li Qeterê li darxistin Kosta Rîka Japonê 1-0 têk bir.
Kosta Rîka û Japon li stadyûma Ehmed Bîn Elî hatin hemberî hev.
Herçiqas Japon di piraniya pêşbirkê de serdest lîst jî lê di xuleka 81an de nikaribû rê li ber gola Keysher Fuller ê Kosta Rîkî bigre û 1-0 têk çû.
Bi vê encamê Kosta Rîka di komê de gihîşt 3 pûanan. 3 pûanên Japonê jî hene.
Di pêşbirka xwe ya ewil de Japon Almanyayê ku yek ji favoriyên tûrnûvayê ye 2-1 têk biribû.
Li aliyê din Kosta Rîka jî lîtika xwe ya ewil ya tûrnûvayê de li hemberî Îspanyayê 7-0 têk çûbû.
Di pêşbirka din a komê de Îspanya û Almanya îro dê bên hemberî hev.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse