Spectrum House: Piştî erdhejê ji 4 kesan yekî rengê dengê xwe guhertiye
Hewlêr (Rûdaw) - Li gorî rapirsiya Navenda Raman û Lêkolînan a Spectrum House, piştî erdheja 6ê Sibatê ya Mereşê ji her 4 dengdêran yekî biryara xwe li ser partiya ku wê deng bidiyê de, guhertiye.
Navenda Raman û Lêkolînan a Spectrum House, piştî erdheja 6ê Sibatê ya Mereşê di navbera 10-15ê Adara 2023an de li 10 bajaran bi hezar û 446 kesan re di derbarê bandorên erdhejê de li ser siyasetê rapirsiyek kiriye.
Rapirsî li Stenbol, Enqere, Îzmîr, Bursa, Antalya, Samsun, Kayseri, Trabzon, Erzerom û Amedê hatiye kirin û derketiye ku piştî erdhejê, ji her 4 dengdêran yekî bijardeya xwe guhertiye. Piraniye kesên ku bijardeya xwe guhertine, gênc û hejar in.
Li gorî rapirsiyê piştî ku dengên bêbiryar li gor rêjeya partiyan li ser wan bêne dabeşkirin, rêjeya dengên partiyan wiha ne:
AKP: %37.6
CHP: %26.5
HDP: %11.3
ÎYÎ Partî: %8.8
MHP: %8
Partiya Memleket: %2.7
Partiya Karkerên Tirkiyê (TÎP): %1.4
Dengên hevpeymaniyan jî wiha ne:
Hevpeymaniya Cumhur: %46.3
Hevpeymaniya Millet: %37
Hevpeymaniya Ked û Azadiyê: %%12.7
Dengên berbijêrê serokkomariyê jî wiha ne:
Recep Tayyip Erdogan: %44.7
Kemal Kılıçdaroglu: %36.9
Berbijêrê HDPê piştgiriya wî bike: %9.4
Muharrem Înce: %8.2
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse