Hewlêr (Rûdaw) - Li navçeya Samandagê ya ser bi parêzgeha Hatayê kavilên erdheja 6ê Sibatê bi barhilgiran ji bo cihên nîştecihbûnê û nêzîkî deryayê tên veguhestin, lê nîştecihên navçeyê rê li barhilgiran girtin û nerazîbûna xwe pêşan dan.
Piştî erdhejên navend Mereş ên 6ê Sibatê kar û xebata rakirina kavilan li navçe û navenda parêzgeha Hatayê berdewam in.
Îro Yekşemê 26ê Adara 2023an li navçeya Samandagê ya Hatayê welatiyan rê li balhilgiran girtin û nehiştin ku kavil li cihên nîştecihbûna wan bên rijandin.
Welatî dibêjin kavil nêzîkî sînorê deryayê, dibistanan û bajarên konan yên ku zerardîtiyên erdhejê lê dimînin tên rijandin û ev yek ji bo tendirûstiya wan metirsiyeke.
Di dime rêgirtinê de di navbera welatiyan û şofêrên barhilgiran de pevçûn derket û şofêrê barhilgirê xwest bi ser welatiyan ve barhilgirê bajo. Piştî hatina polîsan barhilgir ji qadê hate dûrxistin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse