Hewlêr (Rûdaw) - Li gorî rapirsiya Kompanya Lêkolînan a Sarosê, dengên DEM Partiyê zêde bûne û partî derketiye rêza sêyemîn.
Kompanya Lêkolînan a Sarosê, encamên rapirsiya xwe ya bi navê “Rojeva Tirkiyeyê û Siyaset”ê belav kirin.
Ew rapirsî di navbera 4 û 11ê Îlona îsal de hatiye kirin.
Rapirsî li gel 3 hezar û 126 kesan, bi alîkariya telefon û kompûterê hatiye kirin.
Li gorî rapirsiyê rêjeya dengên CHPyê ji sedî 34,1 e ku di hilbijartina parlamentoya ya 14ê Gulana 2023yan de ji sedî 25,35 bû.
Li gel vê yekê, rêjeya dengên DEM Partiyê jî zêde bûye û derketiye ji sedî 9,4an.
DEM Partî bi vê rêjeyê bûye sêyemîn partiya Tirkiyeyê.
Her wiha rêjeya dengên AK Partiyê jî li gorî hilbijartinên parlamentoyê kêm bûye û daketiye ji sedî 30,3an.
Li gorî rapirsiyê rêjeya dengên partiyên siyasî:
- CHP: Ji sedî 34,1
- AK Partî: Ji sedî 30,3
- DEM Partî: Ji sedî 9,4
- MHP: Ji sedî 8,7
- Yenîden Refah: Ji sedî 4,9
- ÎYÎ Partî: Ji sedî 3,8
- Partiya Zafer: Ji sedî 2,6
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse