AK Partiyê DEM Partî venexwend kongreya xwe

Hewlêr (Rûdaw) - AK Partiyê 9 partî vexwendin kongera xwe lê DEM Partî di nav wan de nîne.

AK Partî 23yê Sibatê li Enqereyê Kongreya 8emîn a Mezin a Asayî saz dike û ji bo kongreyê 9 partiyên siyasî hatin vexwendin.

Di nav partiyên ku hatine vexwendin de partiya herî mezin a sêyemîn a parlamentoyê (DEM Partî) nîne.

Alîkarê Serokê AK Partiyê Erkan Kandemîr derbarê amadehiyên kongreyê li navenda partiyê civîneke medyayê li dar xist û ragihand ku dê ji 100 hezarî zêdetir kes beşdarî kongreyê bibin.

Li gorî agahiyên ku Kandemîr danê, wan Partiya Yekîtiya Mezin (BBP), Partiya Gel a Komarî (CHP), Partiya Çep a Demokratîk (DSP), Partiya Tevgera Neteweperest (MHP), HUDA PAR, ÎYÎ Partî, Partiya Vatanê, Partiya Yenîden Refahê û Partiya Saadetê vexwendine kongreyê.

Her wiha dê nûner û balyozên 88 welatan û ji 13 welatan nûnerên 28 partiyan beşdarî kongreyê bibin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger