Hewlêr (Rûdaw) - Serokkomarê Tirkiyeyê Recep Tayyîp Erdogan ragihand ku divê êdî şerê şerê di navbera Rûsya û Ukraynayê de bi dawî bê.
Serokê Ukraynayê Volodymyr Zelenskyy ji aliyê Serokkomarê Tirkiyeyê Recep Tayyîp Erdogan ve bi fermî hat pêşwazîkirin.
Piştî pêşwazîkirinê hevdîtina Erdogan û Zelenskyy dest pê kir.
Wezîrê Derve yê Tirkiyeyê Hakan Fîdan û Wezîrê Parastinê yê Tirkiyeyê Yaşar Guler jî beşdarî civînê bûn.
Piştî civînê Erdogan û Zelenskyy daxuyaniyeke hevbeş da çapemeniyê û derbarê pêşhatên dawî yên şerê Rûsya û Ukraynayê de axivîn.
"Şerê Rûsya û Ukraynayê dikeve sala 4emîn"
Erdogan bi bîr xist ku şerê Rûsya û Ukraynayê dikeve sala 4emîn û behsa hewlên navbeynkariyê yên welatê xwe kir û got:
"Me bi nêzîkatiya di şer de serkeftî nabin û di aştiyê de jî kes winda nake ji bo pêkanîna aştiya di navbera aliyan de hewldanên zêde dan.
Me Adara 2022yan ji bo gotûbêjên rasterast ên di navbera her du welatan de mêhvandarî kir.
Me Destpêşxeriya Dexlûdan a Deryaya Reş cibîcîkir. Me di sê salan de di her astê de di navbera Rûsya û Ukraynayê de hewla pêwendiyên rasterast daye."
Hewlên Trump
Erdogan amaje bi hewlên Serokê Amerîkayê Donald Trump ên ji bo bidawîanîna şerê Rûsya û Ukraynayê jî da û got:
"Destpêşxeriyeke dîplomatîk a birêz Trump ji bo bilez bidawîanîna şer bi rêya gotûbêjan heye.
Ev nêzîkatî li gel polîtîkaya Tirkiyeyê jî digunce. Ji bo hevdîtinên pêşbînîkirî dê welatê me bibe mêhvandarekî îdeal."
"Divê êdî şer bi dawî bibe"
Serokkomarê Tirkiyeyê ragihand ku wî di civîna li gel Serokê Ukrayanyê de piştgiriyeke bihêz a Tirkiyeyê ji bo serwerî û yekitiya axa Ukraynayê aniye ziman û got:
"Her wiha me tekezî li wê yekê jî kir ku emê ji bo ku pêvajoya gotûbêjan bibe aştiyeke mayînde her cûre piştgiriyê bikin. Divê êdî ev şer bidawî bê."
Daxuyaniya Zelenskyy
Serokê Uraynayê Volodymyr Zelenskyy jî diyar kir ku pêwendiyên Tirkiye û Ukraynayê wekî her wextê niha jî bihêz in û di asta herî jor de ne û got:
"Ez ji bo vê yekê spasiya birêz Serokkomar û gelê Tirkiyeyê dikim. Em ji bo piştevaniya ku me wergirtiye spasdar in.
Tirkiye di mijara yekitî û yekrêziya axa Ukraynayê de hertim xwedî prensîb e.”
Zelenskyy ragihand ku wan di civînê de bandorên cîhanî yên şerê Rûsya û Ukraynayê gotûbêjkirine û got:
"Eger ev hewlên lihevkirinê bilez bibin û Ukrayna, Amerîka û Ewropa li ser vê maseyê bin dê ev qonax bi beşdariya hemû wan welatan ber bi pêş ve biçe. Helbet Tirkiye jî di nav van welatan de ye.”
Serokê Ukraynayê got: "Me li gel birêz Erdogan li ser pêwendiyên di navbera me de gotûbêj kirin.
Peymanên me yên nû yên dûalî hene. Qadên gelekî hestiyar lixwe digirin.
Dê û bavên zarokên me yên sêwî Rûsyayê birin. Ev zarok di çavdêriya Tirkiyeyê de ne."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse