Hewlêr (Rûdaw) - Li navçeya Çigliyê ya parêzgeha Îzmîrê ya Tirkiyeyê agir bi embareke kozmetîkê ket, karkerekî canê xwe ji dest da û 3 karker jî birîndar bûn.
Li Herêma Pîşesaziyê ya Îzmîrê ji ber sedemeke nediyar agir bi embareke kozmetîkê ket û di demeke kurt de li tevahiya embarê belav bû.
Li gorî agahiyan, ji cihê şewatê dengê teqînan jî hatiye bihîstin.
Li ser agahdarkirinê tîmên tenduristiyê, tîmên parastina sivîl û polîs çûn cihê bûyerê.
Agir ji aliyê tîmên parastina sivîl ve hat vemirandin.
Di encama şewatê de karkerekî canê xwe ji dest da û 3 karker jî birîndar bûn.
Tîmên tenduristiyê birîndar bi ambûlansan veguhastin nexweşxaneyê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse