TUIKê rêjeya bêkariyê ya meha dawî ya par eşkere kir

Hewlêr (Rûdaw) - TUIKê ragihand ku Kanûna Pêşîn a 2024an rêjeya bêkariyê bi qasî 0,1 puanan kêm bûye û daketiye ji sedî 8,5an.

Saziya Amaran a Tirkiyeyê (TUIK) amarên bêkariyê yên meha kanûna paşîn a sala borî eşkere kirin.

TUIKê diyar kir ku Kanûna Pêşîn a 2024an li gorî Çiriya Paşîn a 2024an rêjeya bêkariyê 0,1 puan kêm bûye û daketiye ji sedî 8,5an, an ku di nava wê mehê de 39 hezar kes bûne xwediyê karekî.

Li gorî amaran, li Tirkiye û Bakurê Kurdistanê Kanûna Pêşîn a 2024an rêjeya bêkariya mêran ji sedî 6,9 û rêjeya bêkariya jinan jî ji sedî 11,4  bûye.

Heman mehê rêjeya bêkariyê di nav ciwanên 15-24 salî de ji sedî 0,5 zêde bûye û gihiştiye ji sedî 16,3yan.

Her wiha hat diyarkirin ku li gorî Kanûna Pêşîn a 2023yan jî rêjeya bêkariyê 0,3 puanan daketiye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger