Hewlêr (Rûdaw) - Komeleya Rojnamevanan a Dîcle Firatê (DFG) ragihand ku di meha Nîsana îsal de li Tirkiye û Bakurê Kurdistanê 27 rojnamevan hatine desteserkirin, 5 ji wan hatine girtin û 88 nûçe jî hatine astengkirin. DFGê rapora xwe ya “Binpêkirinên Mafên Rojnamevanan ên Nîsanê” belav kir.
Li gor rapora DFGê di Nîsana 2023an de li Tirkiye û Bakurê Kurdistanê 27 rojnemevan hatine desteserkirin û ji wan 5 rojnamevan bi biryara dadgehê hatine girtin.
DFG di rapora xwe de dibêje, “Bi nêzîkbûna hilbijartinên 14ê Gulanê re binpêkirinên mafên rojnamevan, hunermend û siyasetmedaran jî zêde bûne û her ku diçe azadiya raderbirîn û ramanê û mafê xwe gihandina rastiyan zêdetir tê binpêkirin.”
Li gor rapora Komeleya Rojnamevanan a Dîcle Firatê (DFG) a Nîsana 2023an:
Binpêkirinên Mafê Jiyanê
Êrîş – 4 rojnamevan
Bi ser de girtina malan - 13 rojnamevan
Desteserkirin – 27 rojnamevan
Girtin – 5 rojnamevan
Tundtûjî – 2 rojnamevan
Gef - 2 rojnamevan
Astengkirina Şopandina Nûçeyan – 10 rojnamevan
Binpêkirinên li girtîgehê – 1 rojnamevan
Binpêkirinên Azadiya Raderbirîn û Ramanê
Lêpirsîn – 6 rojnamevan
Ceza – 2 rojnamevan
Cezayê Girtîgehê – 3 sal û 4 meh û 17 roj
Darizandin – 34 rojnamevan
Girtî – 86 rojnamevan
Astengiya Dijî Înternet û Medya Dijîtal
Girtina internet – 1
Nûçeyên hatine astengkirin – 88
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse