Hewlêr (Rûdaw) – HAK-PARê teqîna li ber Wezareta Karên Navxwe ya Tirkiyeyê şermezar kir û got, “Çalakiyên terorê bi ti hincetan nayên qebûlkirin.”
Partiya Maf û Azadiyan (HAK-PAR) têkildarî teqîna li ber Wezareta Karên Navxwe ya Tirkiyeyê daxuyaniyeke nivîskî parve kir û êriş şermezar kir.
HAK-PARê di daxuyaniya xwe de got:
“Çalakiyên terorê bi ti hincetan nayên qebûlkirin.
Em êrişa terorê ya ku 1ê Çiriya Pêşîn a 2023yan saet 09:30î li Enqereyê li ber Rêveberiya Giştî ya Ewlehiyê pêk hat şermezar dikin.
Di çalakiyê de kesekî bombeya li ser xwe teqandiye û yê din jî ji aliyê hêzên ewlehiyê ve hatiye kuştin.
Di çalakiya navborî de 2 polîs birîndar bûn.
Êrişên terorê bi ti hincetan nayên qebûlkirin.
Em careke din kesên fermana van çalakiyên terorê yên tarî didin û pêk tînin şermezar dikin.”
Çi bûbû?
Wezîrê Karên Navxwe yê Tirkiyeyê Alî Yerlîkaya li ser hesabê xwe yê tora civakî ragihand ku demjimêr derdora 09:30î 2 kesan bi otomobîlekê êriş pêk aniye.
Yerlîkaya daxuyand ku yekî ji wan “xwe teqandiye” û yê din jî “ji aliyê hêzên ewlehiyê ve hatiye kuştin”.
Alî Yerlîkaya ragihand ku di êrişa bombeyî de 2 polîs birîndar bûne.
Li aliyê din, HPGyê da zanîn ku êriş ji aliyê Tabûra Nemiran ve hatiye encamdan.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse