Hewlêr (Rûdaw) – Serokkomarê Tirkiyeyê Recep Tayyîp Erdogan li derbarê pêvajoya nû got, “Eger di vê pêvajoyê de xapandin hebe em dê ti kesî efû nekin.”
Serokkomarê Tirkiyeyê Recep Tayyîp Erdogan li Ofîsa Serokkomariya Tirkiyeyê ya Dolmabahçesarayê di bernameya fitarê de daxuyaniyên girîng li ser pêvajoya nû dan.
Erdogan tekezî li girîngiya pêvajoyê kir lê bi heman awayî hişyarî da û got, "Eger bixwazin me bixapînin, em kevir li ser kevir nahêlin.
Eger destê ku me dirêj kiriye li hewayê bimîne yan jî bê gezkirin hemberî vê kulma me ya hesin het tim amade ye.
Em çiqas ji jiyana di nav aştî û aramiyê da hez bikin jî ji bo nirx, bawerî, welatî û dewleta me ya ku em wekî muqedesatên xwe dibînin tewîzê nadin."
Erdogan amaje bi wê yekê kirk u îro Tirkiyeyeke ku di her qadê de xurt, hêzdar û destê wê digihêje her derê heye û wiha domand:
“Rewşa welat di qada navneteweyî de jî guheriye.
Tirkiyeyeke ku lê dek û dolab tên gerandin tune, êdî Tirkiyeyeke ku li herêma xwe û wêdetirê wê lîstikan ava dike, lîstikên binkol û qirêj xira dike heye."
Erdogan bal kişand ser armancên siyaseta xwe û got: "Em kîjan pêngavê biavêjin ji bo îstiqbala Tirkiye û gelê Tirk diavêjin."
Derbarê têkoşîna dijî terorê de Serokkomarê Tirkiyeyê daxuyand: "Tirkiye di nav sînorên xwe û dervayî sînorên xwe da di mijara têkoşîna dijî terorê da ne tenê li herêma me, welatê herî xurt, biqabiliyet û behredar a dinyayê ye.
Eger sozên hatine dayîn neyên girtin, fênekî wekî ji bo xapandinê nav bên guherîn û ji ya xwe neyên xwarê dê guneh ji me biçe."
Serokkomarê Tirkiyeyê derbarê operasyonên leşkerî jî got:
"Eger hewce bike em dê operasyonên xwe yên ku hîn jî berdewam dikin heta kevir li ser kevirê nehêlin û heta terorîstê dawî bê berterefkirin dê bidomînin.
Ji xeynî hin komên marjînal piraniya gel û siyasetê teşebûsa Tirkiyeya bêteror erênî pêşwazî kir û piştgirî dayê."
Wî derbarê armancên paşerojê Tirkyeyê got:
"Em armanc dikin ku pêkhateyên li dervayî sînorên xwe jî tesfiye bikin û ji bo sedsala Tirkiyeyê ya ku dê bibe sedsala demokrasî û biratiyê destpêkeke xurt bikin."
Yên ku hestiyê vî gelî xwarin dê têk biçin, dê 85 milyon qezenc bike, demokrasiya me, aboriya me, biratiya me dê qezenc bike.
Ya ku dê qezenc bike dê Komara Tirkiyeyê be ku em ji ber hilgirtina pasaporta wê her tim serbilind in, dê ewladên me yên temînata paşeroja me qezenc bikin."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse