Dengdan li Kerkûkê / Wêne û Vîdeo: Rûdaw
Hewlêr (Rûdaw) – Li gorî encamên destpêkê, li Nînowayê Partiya Demokrata Kurdistanê (PDK) û li Kerkûkê Yekîtiya Niştimaniya Kurdistanê (YNK) partiya yekem e.
Li Diyale û Selahadînê jî di lîsteyên Kurdan de YNK li pêş e.
Bi taybetî piştî hatine encamên destpêkê yên Kerkûkê Kurd daketin kolanan û Kerkûk bû cihê şahiyê.
Ev der #Kerkûk e. Ciwanên #Kurd bi alên Kurdistanê û wêneyên Serok #Barzanî û #MamCelal daketine kolanan û şahiyê dikin pic.twitter.com/MYpb2EuGc8
— RudawKurdi (@RudawKurdi) December 18, 2023
Li Îraqê piştî hilbijartinên 2013an, doh hilbijartinên encûmenên parêzgehan hatin kirin.
Hilbijartinên ku demjimêr 07:00an dest pê kir heta demjimêr 18:00an berdewam kir.
Li gorî agahiyên ku bi destên nûçegihanê Rûdawê ketine li Kerkûk, Diyale, Nînowa û Selahedînê encamên destpêkê bi vî rengî ne:
Kerkûk
Piştî sala 2005an cara ewil e ev hilbijartin li Kekûkê hatin kirin û encamên destpêkê wiha ne:
YNK: 44 hezar û 256 deng
PDK: 13 hezar û 912 deng
Newey Niwê: 7 hezar û 638 deng
Diyale
YNK: 23 hezar û 906 deng
PDK: 5 hezar û 450 deng
Siyade: 700 deng
Teqedûm: 500 deng
Selahedîn
YNK: 13 hezar û 713
PDK: Hezar û 521 deng
Şiyûî: 870 deng
Nînowa
PDK: 53 hezar û 549 deng
YNK: 6 hezar û 53 deng
Di hilbijartinên doh de nêzîkî 6 hezar berbijêran ji bo 285 kursiyan rikaberî kir.
Li hezar 166 navendên dengdanê 35 hezar û 553 sindoq hatin dayîn û xelkê heta saet 18:00an dengê xwe da.
Bi rêya van hilbijartinan parêzgar tên hilbijartin, rêveberiyên parezgehan tên kontrolkirin û budceya ku ji bo projeyan tê veqetandin tê pesendkirin.
75 kursî kotaya jinan in, herwiha 10 kursî jî ji bo pêkhateyên Xiristiyan, Kurdên Şebek, Kurdên Êzidî, Kurdên Feylî û Saîbeya Mendaîyan hatine veqetandin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse