Hewlêr (Rûdaw) - Hemasê di tura heftemîn a pevguhertina dîlan de ya di çarçoveya peymana agirbest û pevguhertina dîlan de li Xezeyê 6 dîlên mêr ên Îsraîlî radestî ekîbên Xaça Sor a Navneteweyî kir û dîmenên teslîmkirinê belav kirin.
Di dîmenan de tê dîtin ku Hemas dîlên Îsraîlî berdidin lê du dîlên Îsraîlî yên bi navê Eviatar Davir û Guy Gilboa-Dallal jî berdana wan temaşe dikin.
Di dema berdanê de her du dîlan got, "Ji kerema xwe me jî berdin û em vegerin malên xwe. Em diayan ji we re dikin."
Dîlan bangî Serokwezîrê Îsraîlê Benjamîn Netanyahu kir û got, "Hey Netanyahu te em kuştin."
Dîlan anî ziman ku ew dixwazin vegerin malên xwe û wiha got, "Em jî bi wan re 500 roj in dîlgirtî ne. Çi dibe me jî berdin."
Dîlan bal kişand ku êrîş ne çareserî ye û wiha got:
"Em niha dibînin ku hevalên me tên berdan. Danûstandin dê bidomînin, li hev bikin û vê yekê çareser bikin.
Wek hikûmeta Îsraîlê peymana ku we dest pê kiribû temam bikin. Zexta leşkerî ne çarserî ye."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse