Hewlêr (Rûdaw) – Neteweyên Yekbûyî bi raporekê ragihand ku heta niha 5 hezar heta 7 hezar çekdarên DAIŞê li Sûriye û Îraqê hene û metirsiyê li ser civaka navdewletî çêdike.
Li gorî rapora Neteweyên Yekbûyî nêzîkî 11 hezar çekdarên DAIŞê di zindanên Rêveberiya Xweser de û herwiha di kampên Roj û Holê de hene.
Di nava wan girtiyên DAIŞê de 3 hezar û 500 çekdar ji Îraqê û 2 hezar jî ji 70 welatên cuda cuda ne.
Rapora Neteweyên Yekbûyî diyar kiriye ku li Sûriye û Îraqê 55 hezar kes hene, dibe ku pêwendiya wan bi DAIŞê re hebe.
Di beşeke din a raporê de behsa metirsiya malbatên DAIŞiyan ên ku di kampa Holê de dimînin jî hatiye kirin.
Hat diyarkirin ku zêdetirî 11 hezar zarokên Îraqî, 16 hezar zarokên Sûriyeyî û zêdetirî 6 hezar û 700 ciwanên ji 60 welatên cuda di nav wan de hene.
Rêveberiya Xweser bi berdewamî banga çareserkirina rewşa DAIŞî û malbatên wan ên di nava zindan û kampan de dike lê heta niha civaka navdewletî bersiva wan daxwazan nedaye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse