Hewlêr (Rûdaw) - Li parêzgeha Amedê ya Bakurê Kurdistanê 9 rojnameger û nivîskarên ku di çarçoveya lêpirsîna Serdozgeriya Komarê ya Eskîşehîrê de hatibûn desteserkirin hatin berdan.
Di çarçoveya lêpirsîna Serdozgeriya Komarê ya Eskîşehîrê de 26ê mehê li parêzgeha Amedê û çend bajarên din polîsan bi ser hejmarek navnîşanan de girtibû.
Di encamê de Hevserokê Şaredariya Peyasê ya Amedê Cengîz Dundar, Seroka Komeleya Rojnamegerên Jin a Mezopotamyayê (MKG) Roza Metîna û rojnameger Ahmet Sunbul, nivîskar Ahmet Hîcrî Îzgoren, derhêner Ardin Dîren û mamosteyên Sendîkaya Kedkarên Perwerde û Zanistê (Egîtîm Sen) hatibûn desteserkirin.
Piştî karûbarên yasayî îro li parêzgeha Amedê 9 kes birin dadgehê û her 9 kes bi şertê kontrola edlî hatin berdan ku helbestvan û nivîskar Ahmet Hîcrî Îzgoren jî di nava wan de ye.
Kesên ku hatine berdan:
Seroka Komeleya Rojnamegerên Jin a Mezopotamyayê (MKG) Roza Metîna
Karîkaturîst Dogan Guzel
Nivîskar Omer Barasi û Berfîn Atli
Derhêner Ardin Dîren
Abdurrahman Aydin
Helbestvan û nivîskar Ahmet Hîcrî Îzgoren
Wênegir Emrah Kelekçîler
Rojnameger Ahmet Sunbul
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse