Hewlêr (Rûdaw) - Li navçeya Elbakê ya parêzgeha Wanê ya Bakurê Kurdistanê li sînorê Rojhilatê Kurdistanê termên 3 kesan hat dîtin ku tê texmînkirin ji ber sermayê mirine.
Li gundê Kadanê yê Elbakê doh termên jin, mêr û zarokekî ji aliyê leşkerên ser sînorê Bakur û Rojhilatê Kurdistanê ve hatin dîtin.
Hêzên ewlehiyê ew term birin Nexweşxaneya Dewletê ya Elbakê.
Tê texmînkirin ku malbateke koçber e û her sê kes ji ber sir û seqemê mirine.
Serokê Şaxa Wanê ya Komeleya Mafên Mirovan Mehmet Salih Coşkun diyar kir ku di wê rêyê de piranî koçber derbas dibin û ew dê bûyerê bişopînin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse