Hewlêr (Rûdaw) – Fermandarê Giştî yê Hêzên Sûriyeya Demokratîk (HSD) derbarê êrîşên Tirkiyê bo ser Rojavayê Kurdistanê de daxuyaniyek belav kir.
General Mazlûm Abdî ragihandiye, “droneke Tirkiyê sibeha îro otomobîla serkirdeyên Hêzên Ewlekariya Hundirîn li Eyn Îsayê kir armanc ku ber bi kampa awareyan a Girê Spî ve diçûn û di encamê de 4 endamên wê şehîd bûne.”
Mazlûm Abdî dibêje, “Saziya Ewlekariya Hundrîn ewlehiya bajaran, saziyên sivîl, kampên koçberan û girtîgehên DAIŞê diparêze û armanckirina wê gefeke rasterast li ser ewlehiya herêmê çêdike.”
Fermandarê Giştî yê HSDê di daxuyaniya xwe de amaje bi êrîşên Tirkiyê yên wan rojên dawiyê dike û dibêje, “Ji 20ê Tîrmehê ve firokeyên Tirkiyê 9 şervanên HSDê û 4 endamên Hêzên Ewlekariya Hundriîn û 13 sivîl kirine armanc.”
General Mazlûm Abdî destnîşan kiriye, êrîşên Tirkiyê yên bi dronan bo ser Rojavayê Kurdistanê zêde bûne ku civaka Bakur Rojhilatê Sûriyê û saziyên wê ku jibo aramiya navçeyê dixebitin, dikin armanc.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse