Hewlêr (Rûdaw) - Serokwezîrê Herêma Kurdistanê Mesrûr Barzanî got, “Şehîdên karesata Qeladizê tim li bîra me ne.”
Rejîma Beasê 24ê Nîsana 1974an Qeladizê bombebaran kir.
Di vê êrişê de 134 kes şehîd ketin û 150 kes jî birîndar bûn.
Herwiha 200 xanî jî ji binî rûxiyan.
Gelek ji kesên ku şehîd ketin an birîndar bûn mamoste û xwendekarên Zanîngeha Silêmaniyê bûn.
Mamoste û xwendekarên Zanîngeha Silêmaniyê wê dema ji ber êrişên Beasê çûbûn Qeladizê.
“Şehîdên vê karesatê tim li bîra me ne”
Serokwezîrê Herêma Kurdistanê Mesrûr Barzanî di salvegera 50î a vê êrişa Beasê de peyamek belav kir û got:
“Rejîma Beasê beriya niha bi nîv sedsalê Qeladizê bombebaran kir.
Rejîmê bi sedan kesên bêsûc şehîd û birîndar kirin.
Rejîmê sala 1982an jî dema li bajêr ji bo qurbaniyên bombebaranê xwepêşandan dihat kirin gule li xelkê reşandin.
Şehîdên vê karesatê tim li bîra me ne.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse