Li Qamişlo Partiya Pêşverû û PDK-Sê bi hev re civiyan

Hewlêr (Rûdaw) - Li bajarê Qamişlo yê Rojavayê Kurdistanê civînek navbera Partiya Demokrat a Kurdistanê li Sûriyê (PDK-S) û Partiya Pêşvero hat sazkirin.

PDK-S û Partiya Pêşvero îro Sêşemê 22yê Îlona 2020an li bajarê Qamişlo bi mebesta gotûbêjekirina Lêvegera Kurdî ya Bilind civiyan.

Li gorî agahiyên berdest, yekrêziya partiyên Kurdî û avakikirina Lêvegera Kurdî ya Bilind mijara sereke ya wê civînê bû û herweha mijara tevlîbûn û beşdarbûna hemû partiyên rojavayê Kurdistanê hate gotûbêjkirin.

Berî niha jî endamê polîtburoya siyasî ya Partiya Pêşvesrû Ehmed Silêman ji Rûdawê re gotibû ku partiyên ENKS nexwetine ew tevlî Lêvegerê bibin û ew û Partiya El Wehdê ji projeya yekrêziya partiyan hatine dûrxistin.

Endamê Polîtburoya PDKSê Beşar Emîn ji Rûdawê re ragihand, civîna wan baş bû û wan bi zelalî ji  got, ew ne berpirsê bûn ji dûrketina Pêşverû ji ENKSê.

Beşar Emîn diyar kir ku peywendiyên wan ligel wan partiyan her tim baş bûye û niha jî danûstandinên wan hene.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger