Hewlêr (Rûdaw) - Nûnerê Wezareta Derve yê Amerîka bo Bakur û Rojhilatê Sûriyê Nicholas Granger ji bo vekirina deriyê Pêşabûr-Sêmalka yê di navbera Başûr û Rojavayê Kurdistanê serdana Herêma Kurdista kir.
Berpirsê dosyeya Rojavayê Kurdistanê di Wezareta Derve ya Amerîkayê de Nicholas Granger ji bo vekirina deriyê Sêmalka li Hewlêrê ye û dê ligel berpirsên Hikûmeta Herêma Kurdistanê bicive û hewl bide ku çareseriyek ji deriyê Sêmalka re were dîtin.
Li gor zanyariyên ku Rûdawê bidest xistine, şandiyê Amerîkî duh gihiştiye Başûrê Kurdistanê û li Hewlêrê ye.
Tê çaverêkirin ku Nicholas Granger li Hewlêrê ligel Serok Barzanî û Serokwezîrê Herêma Kurdistanê Mesrûr Barzanî bicive, ji bo ku careke din deriyê sînorî yê Sêmalka were vekirin.
Berî niha Rêveberiya Xweser tevî hewldan û navbênkariya Amerîkayê nehîştibû şandeke ENKSê derbasî Başûrê Kurdistanê bibe, ji bo ku beşdarî vekirina Muzexaneya Barzanî bibin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse