Hewlêr (Rûdaw) – Li Şingalê goreke bikom hat dîtin ku ji dema DAIŞê maye.
Berpirsê Saziya Mafên Miroavan a Petrichorê Xeyrî Elî li ser mijarê agahî dan Tora Medyayî ya Rûdawê.
Xeyrî Elî da zanîn, dema hinek karker ji bo çêkirina rê li Sîba Şîx Xidir dixebitîn wan goreke bikom dîtiye.
Xebatkaran piştî derketina vê gorê xeber daye hêzên ewlehiyê.
Xeyrî Elî diyar kir ku hîn nediyar e bê ma hestiyên çend kesan di vê gorê de hene û got:
“Gor sala 2014an hatiye kolan û ev kes bi destên DAIŞê hatine kuştin.”
Endamên Saziya Mafên Miroavan a Petrichorê yên ku çûne cihê gor lê hatiye dîtin hemû agahiyên berdest bi hêzên ewlehiyê re parve kirine.
DAIŞê 3yê Tebaxa 2014an êrişî Şingalê kir û herî kêm 6 hezar Kurdên Êzidî revandin.
Hinek ji dîlan li nava Şingalê û hinek jî li derdora wê kuştin.
Li gorî amarên fermî, heta niha 93 gorên bikom hatine dîtin.
55 ji van goran hatine vedan lê 38 gor heta vêga jî nehatine vedan.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse