Hewlêr (Rûdaw) - Wezîrê Karên Navxwe yê Tirkiyeyê ragihand ji bo lêkolîna îdiayên “nexwendina Sirûda Neteweyî” û “rakirina Alaya Tirkiyeyê” mufetîşên sivîl hatine erkdarkirin.
Wezîrê Karên Navxwe yê Tirkiyeyê Alî Yerlîkaya li ser îdiayên “nexwendina Sirûda Neteweyî” û “rakirina Alaya Tirkiyeyê” di vekirina encûmenên şaredariyên Mêrdîn û Amedê de daxuyaniyek belav kir.
Wezîrê Karên Navxwe yê Tirkiyeyê Alî Yerlîkaya di daxuyaniya xwe de da zanîn:
“Li ser îdiaya ku di dema civîna Encûmena Şaredariya Bajarê Mezin a Mêrdînê de “Sirûda Neteweyî” nehatiye xwendin û di dema civîna Encûmena Şaredariya Bajarê Mezin a Amedê de jî “Alaya Tirkiyeyê hatiye rakirin” mufetîşên me hatin erkdarkirin.”
Hevseroka Şaredariya Mezin a Amedê Serra Bucak li ser wan îdiayan daxuyaniyeke nivîskî belav kiribû û diyar kiribû ku ew îdia bêbingeh in.
Hevserokê Şaredariya Mezin a Mêrdînê Ahmet Turk jî li ser wan îdiyan daxuyaniyek belav kiribû û ragihandibû ku ew îdia ne rast in.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse