Mesrûr Barzanî: Min bi xemgînî koça dawî ya Tarik Ziya Ekîncî bihîst

Amed (Rûdaw) - Serokwezîrê Herêma Kurdistanê Mesrûr Barzanî, ji ber wefata rewşenbîr û siyasetmedarê kurd Tariq Ziya Ekîncî peyameke sersaxiyê şand.

Dîrokzan, siyasetmedar û rewşenbîrê Kurd Tarik Ziya Ekîncî 18ê Tebaxa 2024an li Stenbolê koça dawî kir

Cenazeyê Tarik Ziya Ekîncî li Goristana Şehîtlikê ya Amedê hat veşartin.

Beriya veşartina cenaze siyasetmedaran axaftin kirin.

Serokwezîrê Herêma Kurdistanê Mesrûr Barzanî jî peyameke sersaxiyê şand.

Di dema axaftinan de peyama Mesrûr Barzanî jî hat xwendin.

Peyama Mesrûr Barzanî ji aliyê Serokê Weqfa Îsmaîl Beşîkçiyê Îbrahîm Gurbuz ve hat xwendin.

Serokwezîrê Herêma Kurdistanê Mesrûr Barzanî di peyama xwe de wiha got:

“Min bi xemgînî nûçeya koça dawî ya nivîskar, siyasetmedar, welatparêz û endamê berê yê Parlamentoya Tirkiyeyê Dr. Tarik Ziya Ekîncî yê naskiriyê Kurd bihîst.

Ez ji malbata Mamoste Ekîncî re sersaxiyê dixwazim. Xwedê ruhê wî li cenetê razî be û silametî û rihetiyê bide her kesî.”

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger