Hewlêr (Rûdaw) - Zanîngeha Yuzuncu Yilê ya Wanê ragihand ku ji bo beşa lîsansa bilind a bitez a Kurdî 9 xwendekar û ji bo beşa lîsansa bilind a bêtez a Kurdî 15 xwendekaran werdigire.
Enstîtuya Zimanên Zindî ya Zanîngeha Yuzuncu Yilê ya Wanê ji bo heyama sala 2024-2025an 9 xwendekarên beşa lîsansa bilind a bitez a Kurdî werdigre ku divê 6 welatiyên Tirkiyeyê bin û 3 xwendekar jî divê welatiyên welatekî din bin.
Herwiha ji bo beşa lîsansa bilind a bêtez a Kurdî jî 15 xwendekar têne wergirtin.
Her kesê ku beşeke lîsansê ya 4 salî qedandibe û ji ezmûna lîsansa bilind (ALES) 55 puan wergirtine divê ji 19ê Tebaxê heta 31ê Tebaxa 2024an serî li zanîngehê bide.
5ê Îlona 2024an encam têne ragihandin û kesên serkeftî divê di navbera 5 û 10ê Îlonê de navên xwe li zanîngehê tomar bikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse