Geştên asmanî yên Colemêrgê hatin betalkirin

Hewlêr (Rûdaw) – Turkish Airlinesê (THY) ragihand, geştên asmanî yên Colemêrgê yên ji bo îro plankirî bûn, ji her du aliyan ve hatin betalkirin.

Li gorî daxuyaniya THYyê, geşta TK 2670-2671 Stenbol-Gever-Stenbol û geşta AnadoluJetê ya TK 7192-7193 Enqere-Gever-Enqere ji her du aliyan ve hatin betalkirin.

THYyê da zanîn ku ew geşt ji ber şert û mercên neyînî yên hewayê hatine betalkirin.

Li piraniya parêzgehên Bakurê Kurdistanê barîna berf û baranê berdewam dike û bandoreke neyînî li jiyana rojane ya welatiyan dike.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger